蝦蝦燒 (已結業)

放完聖誕假都要出去搵好嘢食，今次就揀咗位於荃灣、開咗兩個月嘅流水蝦放題。場地好闊落，設有多條流水蝦水道，座位側邊就可以即撈即燒大頭蝦，隻隻生猛新鮮。除咗流水蝦之外，仲有好多唔同種類嘅海鮮同燒烤食品任食，有肉類、雪糕、飲品、熟食……海鮮流水蝦：隻隻蝦都生猛新鮮，肉質飽滿彈牙，有啲蝦頭仲爆膏，非常鮮美。象拔蚌：口感鮮嫩、爽脆、滑溜。扇貝：肉質緊實鮮甜，爽滑彈牙。串燒菠蘿：大大嚿，好多汁，酸甜酸甜，非常開胃。羊架：啖啖肉，配搭孜然粉十分惹味。雪糕 有Coco Berry同雀巢多種口味選擇，我個人就鍾意食沖繩海鹽同菠蘿椰子味。飲品有多款果茶，汽水，仲有啤酒。職員態度好好，不時走嚟清潔筒裏啲垃圾。可以食可以玩，親身體驗喺水槽裏夾蝦嘅樂趣，隔離枱啲小朋友玩得好開心。下次仲要嚟試吓今次肚裝唔落嘅食物！