第二道菜係雞湯翅，侍應先將兩大盤魚翅放上枱打卡，然後即場用雞湯煮番啲魚翅，一人一碗熱辣辣同埋勁大梳魚翅，同去飲食嗰啲浠溜溜冇得比。
豉椒蟶子王，每條蟶子都有長又大又香，一人一隻好似都唔夠喉。
有條唔知咩魚兩味，一味係西芹炒魚球，另一味係啫啫魚雲，雖然唔知係咩魚，但係肉質結實鮮甜，好好食。之後再上一碟超大碟龍蝦伊麵，龍蝦應該好大隻，龍蝦肉勁大嚿，超新鮮又彈牙，芝士伊麵底好好味，我食咗兩三碗。
重有燒鵝，塊皮燒到脆卜卜，啲肉就實淨啲，都好好味。
櫻花蝦炒飯上面啲櫻花蝦超級無敵多，啲櫻花蝦隻脆卜卜同埋好香，個炒飯好好食。
最後仲有糖水紫米露同埋乳酸糕，乳酸糕個味係益力多味，紫米露唔甜，可惜一人得一碗完全唔夠喉。
