喜點.鮮鍋粥底火鍋點心專門店 (已結業)

一同四人去到長沙灣，見到呢度有蒸海鮮火鍋，就試試佢啦！佢有A餐同B餐揀，A餐嘅海鮮比較豐富一啲所以我就揀咗A餐啊!佢既海鮮包括有龍蝦、多寶魚、貴妃蚌、聖子、海蝦、鮑魚、蜆！其實都已經係好豐富嘅海鮮餐！佢仲可以食完海鮮有埋啲火鍋餸！仲要有好多俾你揀！真係好滿足！佢嘅海鮮都好新鮮， 二其他火鍋餸呢總共有八款，全部都好足了好大碟！最後仲可以做粥添！包你捧住個肚返屋企啊！仲有一開頭佢有啲南瓜、芋頭同粟米包埋㗎！佢撤到一粒粒好細粒好快就食的！總括來講，佢嘅服務好！海鮮新鮮又好食！最後個粥底都有海鮮味！