蝦蝦燒

營業中

休息中

今次跟朋友一齊去左係佐敦嘅蝦蝦燒，試吓流水蝦，意思似用長魚缸模仿一條小河道，比客人捉蝦食。今次四人行跟著識食嘅朋友，佢哋一早安排好晒要主攻啲咩。兩個人就留係座位夾大頭蝦，同燒住先。99.9%蝦都係好生猛，新鮮嘅蝦就係好食囉。其餘負責出去拎嘢食同飲品。有小小熟食同埋冷盤，麻辣魚皮好友驚喜，魚皮爽又夠麻夠辣，好正。大家都鍾意食生蠔🦪，一開始就拎左蠔返黎燒。蠔仔細細，雖然唔夠肥美但烤完蠔肉都好香無異味。肉串有羊肉串牛肉串仲有豬髀仔燒完都唔錯，肉唔會韌或輆，都幾軟熟，加孜然粉辣椒粉同鹽就成為一串好味嘅串燒。所有貝殼類都幾新鮮，無沙鮮甜可口。除咗任食嘅嘢食每人仲會附送限量貴妃蚌同鱔肉。嘢食又好食，又可以玩下串燒，物超所值，大家都食得好開心。