火鍋煮場 (已結業)

老公最鍾意打邊爐, 剛好呢個星期生日, 我地就決定去幾乎日日都好滿場的“火鍋煮場”, 今次好醒一早打去訂左台先, 估唔到真名不虛傅, 我地嚮weekday夜晚黎到只係7:00, 已經9成滿座~店舖的佈置好企理唔會一大陣火鍋煙, 一坐低，職員就向我哋提議一些火鍋食材，又提供火鍋調味料，例如蔥, 蒜, 辣椒粒同芫茜，十分齊備. 我同老公已經餓住個肚拿拿臨落左勁多調味料. XD打開點菜紙, 入面有好多款特色湯底, 我當然選擇有保暖功效既成都麻辣鍋啦 =)一上台已經見到湯底質感厚而濃郁, 就咁聞已經有好大陣麻辣味, 湯入面的材料份量十足, 只需要煮一陣已經香味撲鼻. 火鍋配料必點推介:三式牛肉併盤我同老公都好鐘意食牛, 所以主角自然就係牛肉併盤，入面有三種牛肉, 分別係本地手切牛頸脊, 頂級安格斯牛小排, 同埋頂級牛𦟌, 賣相好靚呀! 牛肉色澤鮮嫩, 脂肪分佈均勻, 放入湯底十秒左右輕輕滾下, 就已經可以放入口, 真係好好味呀!手打孖寶 (蝦丸 / 墨丸)食食下老闆走來和我地打牙骹, 佢話我地好識揀, 因為呢度D蝦丸和墨丸係人手鮮打的. 唔怪得之一咬落去好彈牙, 而且仲好重蝦肉和墨魚肉味!白豬