龍門一番 上海·紫砂燉湯 (已結業)

今晚去千色買床褥，揀完之後就同額娘去搵食，經過見到呢間新開的上海鋪，於是就入去試試佢。坐底侍應會叫客人先揀茶包，然後客人就可以自行開茶，每人獨立一壺，非常小巧方便。🌠青雪菜毛豆烤豆腐 $75🌠青雪菜加上毛豆可以說是上海鋪的特色，額娘話如果呢味都唔好食，間野就執得笠🙊果然上檯賣相不錯，而且烤豆腐非常大件，我要分兩口才能把一件豆腐吃完，醬汁味道咸咸地，加上軟滑的豆腐實在不錯，唯一是芡能稀一點口感會更好。🎇生煎鍋貼 $38🎇生煎鍋貼個人認為非常好食，除了鍋貼底部煎到非常香脆，一啖咬落去仲會爆肉汁，所以食之前要小心濺到附近的人，而餡料肉嫩，有湯汁👍🏻🌌小龍蝦湯包 $42🌌這個小龍蝦湯包比想像中小，但過癮的地方是湯汁多到可以用飲管啜，味道有龍蝦甜味再加上豬肉香味，外皮有少許厚，整體不錯。✨姬松茸嫩雲吞雞湯 $188✨最後整返個靚湯飲下，呢個湯非常足料，有半隻雞加上超多松茸，湯底非常甘甜，味道勁濃勁滋補，雲吞同皮外皮略厚了一點，但夾住湯一起吃味道不錯，一款暖意的湯品。總結，這家新店的食物好足料，味道唔錯，而燉湯是店家的招牌，當然不少得叫一個試試，確實係正😋下次可以再試第2款湯