影片
更多
2022-07-02
62 瀏覽
👍🏻特製背脂煮干拉麵 $88激濃厚豬油湯底！魚介味鹹香突出，質地極濃厚，好漿口🤤背脂即係豬油脂粒，唔怕做肥仔嘅朋友建議加$5要兩倍背脂🤪令湯頭油脂香更加濃郁，不過食食下都幾易膩大量嘅紫洋蔥粒係畫龍點睛位，爽甜清新唔會有生洋蔥嘅辛辣感，中和咗油脂嘅膩度慢煮叉燒粉嫩軟腍，薄切，口感有啲似parma ham咁厚切五花肉肥瘦相間，火炙有焦香瘦肉嘅部份唔會好鞋好乾柴，有少少燒肉嘅感覺而肥肉嘅部份更加係入口即溶😛兩款叉燒冇乜特別調味，主要食返豬肉香拉麵比較粗身，揀咗硬麵，食到最尾仍然keep住爽彈因為湯底杰身，所以都好掛湯😌味道：8/10性價比：8/10-👍🏻海老辛醬背脂煮干拉麵 $98味道比起背脂湯濃味啲，但濃而不過鹹，飲到淡淡蝦殼鹹香鮮味😙辛醬其實就係七味粉嘅辣味，呢碗揀咗標準辣度當然同川菜米線個種辣度無得比，叫做有啲辣味點綴下雖然比起背脂湯濃味，但飲落冇背脂湯咁易膩，質地亦無咁杰身配料一樣有兩款叉燒、溏心蛋、紫菜、木耳絲、蔥花同大量紫洋蔥粒溏心蛋夠溏心，但可以再入味啲其實兩款湯底各有各好食之處，睇個人口味喜好😎味道：8/10性價比：8/10-👍🏻口福餃子 $24/6隻鋪頭暫時只有兩款小食，餃
激濃厚豬油湯底！魚介味鹹香突出，質地極濃厚，好漿口🤤
背脂即係豬油脂粒，唔怕做肥仔嘅朋友建議加$5要兩倍背脂🤪
令湯頭油脂香更加濃郁，不過食食下都幾易膩
大量嘅紫洋蔥粒係畫龍點睛位，爽甜清新
唔會有生洋蔥嘅辛辣感，中和咗油脂嘅膩度
慢煮叉燒粉嫩軟腍，薄切，口感有啲似parma ham咁
厚切五花肉肥瘦相間，火炙有焦香
瘦肉嘅部份唔會好鞋好乾柴，有少少燒肉嘅感覺
而肥肉嘅部份更加係入口即溶😛
兩款叉燒冇乜特別調味，主要食返豬肉香
拉麵比較粗身，揀咗硬麵，食到最尾仍然keep住爽彈
因為湯底杰身，所以都好掛湯😌
味道：8/10
性價比：8/10
-
👍🏻海老辛醬背脂煮干拉麵 $98
味道比起背脂湯濃味啲，但濃而不過鹹，飲到淡淡蝦殼鹹香鮮味😙
辛醬其實就係七味粉嘅辣味，呢碗揀咗標準辣度
當然同川菜米線個種辣度無得比，叫做有啲辣味點綴下
雖然比起背脂湯濃味，但飲落冇背脂湯咁易膩，質地亦無咁杰身
配料一樣有兩款叉燒、溏心蛋、紫菜、木耳絲、蔥花同大量紫洋蔥粒
溏心蛋夠溏心，但可以再入味啲
其實兩款湯底各有各好食之處，睇個人口味喜好😎
味道：8/10
性價比：8/10
-
👍🏻口福餃子 $24/6隻
鋪頭暫時只有兩款小食，餃子同炸雞
餃子皮夠薄，底下又煎得脆，內餡都幾飽滿
size同味道都係一般日式餃子個種，但$24有6隻幾抵食😜！
味道：7/10
性價比：8/10
-
👍🏻南蠻炸雞 $24/4件
炸雞即叫即炸，好脆口又唔會油淋淋，雞肉幾嫩滑
面頭嘅沙律醬唔係普通沙律醬，而係混咗薯仔同青瓜粒，味道偏甜唔太酸😙
本身炸雞調味唔太鹹，配埋沙律醬幾夾
味道：7/10
性價比：7/10
-
📍#丸目背脂煮干 @marumeramenhk
旺角通菜街74號地舖
張貼
