完美煮意 (已結業)

咁啱呢頭做完野，緊係搵地方醫肚先啦~ 小小屋邨選擇唔多，見到呢間台式野似係新開張無耐，即管同partner試下。過左繁忙午市，每枱都有人坐，好彩仲有一張吉枱，可以坐得舒服。午餐選擇唔算多…主打唔同餸既台式肉燥飯或面…我叫左個豬軟骨雞翼肉燥飯，朋友叫左個茄子豬扒肉燥飯。肉燥汁多，味濃，一啲都唔hea。個豬軟骨同雞翼好入味，易入口。我加左杯薑蜜，凍冰冰天氣下，暖返下先。經開附近既可以試下…屋邨內黎講，呢間餐廳簡直係亮點。