多麵館 (已搬遷) 新店位置

行過新蒲崗，見到呢間門口唔係太顯眼嘅麵館，見有下午茶送飲品，就入去試吓。叫咗一份椰菜木耳餃子麵，價錢$34 ，下午2:30至六點會贈送飲品，可以選擇豆漿、羅漢果菊花茶、或其他熱飲。 入去經過廚房時，見到好多包餃子嘅材料，真係職員現場新鮮包嘅餃子，食落都比較放心。麵餐可以選擇大或細，我呢個係洗碗，所以只有四粒餃子，大碗嘅就會有六粒。每粒餃子都脹卜卜，可見裏面包左好多下，食落有好爽口嘅木耳和椰菜，餃子嘅味道帶甜，食落個皮好滑，非常好食嘅自家製餃子。另外湯底都係店既招牌，主打冇味精嘅，以及足料熬製嘅湯，的確係比較清嘅湯，食慣味重嘅朋友，就需要加啲辣椒醬或豉油了。