影片
更多
2022-07-10
1778 瀏覽
之前食過餐廳嘅日本嘢，覺得都唔錯，性價比幾好，今次午餐就試另一邊嘅泰國菜。午市套餐仲會附送特飲，我哋嗰日就係凍香茅檸檬水。泰式炸蝦餅&雞卷4件 $25/$21蝦餅同埋雞卷擺埋一齊做小食拼盤😍，蝦餅紮實，咬落去爽口，真材實料👍🏻雞卷用腐皮住，炸得酥脆，裏面嘅免治碎雞肉都好食，幾惹味😋冬陰功炒飯$64冬陰功炒飯我哋揀咗小辣，食落去唔會辣到標晒汗，但係又有冬陰功嗰種酸辣香味🥰配料有好多雞柳肉、大蝦、菇。其中大蝦好新鮮，爽口鮮嫩😋，總共都有四五隻，啱晒我呢個蝦控心意。泰式炒金邊粉$66炒金邊粉可以揀唔同配料，豬、牛、雞、蝦。我呢個海鮮控當然揀蝦🙈大蝦同炒飯一樣嘅，新鮮大隻爽口，食到舔舔脷😋金邊粉仲有啲豆腐乾、蛋、芽菜、蔥、花生等配料，味道酸酸地幾開胃，而且惹味👍🏻青木瓜沙律$21午餐仲可以要半份沙律😍，啱晒我哋人少少兩個人，又可以食啲沙律清清油膩。青木瓜絲爽脆，酸辣酸辣咁😋，撈埋啲花生、豆角粒，幾開胃👍🏻
泰式炸蝦餅&雞卷4件 $25/$21
蝦餅同埋雞卷擺埋一齊做小食拼盤😍，蝦餅紮實，咬落去爽口，真材實料👍🏻雞卷用腐皮住，炸得酥脆，裏面嘅免治碎雞肉都好食，幾惹味😋
冬陰功炒飯$64
冬陰功炒飯我哋揀咗小辣，食落去唔會辣到標晒汗，但係又有冬陰功嗰種酸辣香味🥰配料有好多雞柳肉、大蝦、菇。其中大蝦好新鮮，爽口鮮嫩😋，總共都有四五隻，啱晒我呢個蝦控心意。
泰式炒金邊粉$66
炒金邊粉可以揀唔同配料，豬、牛、雞、蝦。我呢個海鮮控當然揀蝦🙈大蝦同炒飯一樣嘅，新鮮大隻爽口，食到舔舔脷😋金邊粉仲有啲豆腐乾、蛋、芽菜、蔥、花生等配料，味道酸酸地幾開胃，而且惹味👍🏻
青木瓜沙律$21
午餐仲可以要半份沙律😍，啱晒我哋人少少兩個人，又可以食啲沙律清清油膩。青木瓜絲爽脆，酸辣酸辣咁😋，撈埋啲花生、豆角粒，幾開胃👍🏻
張貼
