瀧赤料理 (已結業)

雖然屯門都好大，但係食日本嘢嘅鋪頭吾多，有嘅都係一啲集團式餐廳！見到有新餐廳立即試！餐廳大約坐到十幾人，好彩早入去，我哋入咗嘅時間大約係六點鐘，到六點半嘅時候已經坐滿晒！新鮮wAsAbI，嗆鼻的感覺比較重，食落比較香！雞肉串燒外脆內滑，食落唔會成口油，燒得岩岩好！三文魚飯簡直係超值之選，份量非常之多無論係三文魚同蟹子，飯既分量都好多，食材新鮮！廚師已經將三文魚切成一粒一粒，我比較鍾意咁樣，平日好多餐廳都係切成一片片，而家咁樣食落去每一口都會食三文魚或其他食材。天婦羅外面嘅炸粉整得非常之薄，但同時亦有脆脆的口感，油完既天婦羅保留蔬果原有甜味的食材，南瓜片厚度恰好！天婦羅蝦既蝦肉都比較多，而且蝦味都保存到，唔會淨係得渣漿味道。