更多
2017-06-15
66 瀏覽
講到工廈，好多時都會諗起cafe，其實而家都有好多類型嘅餐廳都進駐工廈，喺駱駝漆呢度試左呢間新新地嘅泰菜。餐廳位於9樓，位置相當闊落，所以亦都唔少人考慮喺工廈設店嘅原因，至少喺租金一環能夠少點負擔，更專注做好食物、環境、服務。呢度剛試業不久，門口位會見呢塊黑板仔。「試業期間，可能會遇上招呼不周、食物缺貨或口味不合、環境不夠舒適等問題，小店預先向大家道歉，希望能夠得到大家體諒以及繼續支持…」平日晚上時間，估唔到都有唔少客人，店員都好快出黎招待，餐廳裝潢幾特別，以木枱木梳化櫈為主調，中間以木屏風相隔，餐具都係木製，具泰式風味。不過木梳化略嫌扁左少少，坐上去同木枱嘅高度唔太配合。頭頂有多盞天燈造型嘅吊燈，燈光偏黃調，環境就幾舒適；不過影相效果一般，我冇打燈或者專業攝影器材，所以影到啲相黃黃暗暗餐牌選擇都算豐富，沙律、湯、小食、BBQ類、咖喱、泰式主食、蔬菜、甜品、飲品等，定價合理。主打新派泰菜，當中會見到帶西式元素嘅融合菜式，例如：風乾火腿生菜包沙律、黑松露菌大蝦帶子椰汁忌廉湯、肉眼扒配泰式酸甜青瓜等，聽落都幾特別。泰式酸辣鳳爪雜菜沙律 $65鳳爪食落清新，比平時食開嘅冇咁酸辣，以沙律菜作為
餐廳位於9樓，位置相當闊落，所以亦都唔少人考慮喺工廈設店嘅原因，至少喺租金一環能夠少點負擔，更專注做好食物、環境、服務。
呢度剛試業不久，門口位會見呢塊黑板仔。「試業期間，可能會遇上招呼不周、食物缺貨或口味不合、環境不夠舒適等問題，小店預先向大家道歉，希望能夠得到大家體諒以及繼續支持…」
平日晚上時間，估唔到都有唔少客人，店員都好快出黎招待，餐廳裝潢幾特別，以木枱木梳化櫈為主調，中間以木屏風相隔，餐具都係木製，具泰式風味。不過木梳化略嫌扁左少少，坐上去同木枱嘅高度唔太配合。
頭頂有多盞天燈造型嘅吊燈，燈光偏黃調，環境就幾舒適；不過影相效果一般，我冇打燈或者專業攝影器材，所以影到啲相黃黃暗暗
餐牌選擇都算豐富，沙律、湯、小食、BBQ類、咖喱、泰式主食、蔬菜、甜品、飲品等，定價合理。
主打新派泰菜，當中會見到帶西式元素嘅融合菜式，例如：風乾火腿生菜包沙律、黑松露菌大蝦帶子椰汁忌廉湯、肉眼扒配泰式酸甜青瓜等，聽落都幾特別。
泰式酸辣鳳爪雜菜沙律 $65
鳳爪食落清新，比平時食開嘅冇咁酸辣，以沙律菜作為前菜，開胃之選。
泰式酸辣鳳爪雜菜沙律
$65
7 瀏覽
0 讚好
0 留言
冬蔭公大蝦湯 $58/小（配蒜蓉包）
湯類有四款，一律分大、小份。小嘅1-2人份量，最終分到3碗。
冬蔭公飲落辣得嗆喉，冇加入椰漿/汁，較重口味，配料唔多，有一隻蝦、菌碎，加上香茅，中規中矩。
唯一份量真係有點小，蝦唔算大隻，而且得一隻，幸好食落都爽口。配上蒜蓉包，香脆度一般。
冬蔭公大蝦湯
$58
6 瀏覽
0 讚好
0 留言
冬蔭公大蝦湯
$58
5 瀏覽
0 讚好
0 留言
泰國大拼盤 $128（曼谷蝦餅2件、芭堤雅特色春卷2件、清邁煙肉魚卷2件、燒豬頸肉、布吉酥炸一支骨雞翼6件）
人多嘅話，點個拼盤最方便，乜都試到。人少都唔怕，佢地有小拼盤 ($88)。
拼盤賣相幾吸引，擺盤精美，中間放醬汁，可惜味道未如理想，有點失望。各樣小食唔係好夠熱，應脆口嘅唔夠脆，大概不是即時製作。
但小店加左泰國各地方名喺食物前，令我都唔太敢批評…怕自己井底蛙未食過正宗口味…所以只能以一般喺香港食到嘅泰菜作比較。
泰國大拼盤
$128
2 瀏覽
0 讚好
0 留言
蝦餅有兩款，一種係平時食到嘅蝦餅，另一種係加入燕麥炸，其實幾特別。
食落有微微蝦肉味道，膠質不足，口感唔夠冇爽口彈牙，炸粉基本上一上枱已經腍哂。
蝦餅
6 瀏覽
0 讚好
0 留言
蝦餅
3 瀏覽
0 讚好
0 留言
魚餅係當中味道較好，魚肉味突出唔腥。
魚餅
7 瀏覽
0 讚好
0 留言
春卷加上芭堤雅特色幾個字，春卷幼身偏長，食落有別於一般泰式春卷。
卷皮腍身，餡料帶豬肉味道，食落較實，冇乜鬆化感覺，唔係好啱我地口味
芭堤雅特色春卷
12 瀏覽
0 讚好
0 留言
豬頸肉腍身，肉質亦都唔會乾鞋，食得豬頸肉，都預左有陣炭燒味，如果煎/燒耐啲，做到外面脆身更好。
燒豬頸肉
8 瀏覽
0 讚好
0 留言
紅咖喱泰式燒雞 配香脆薯仔芋頭 及手抓餅 $98
咖喱有4款，分別係燒雞、豬頸肉、海鮮，牛柳，定價$98-148，揀左價錢相宜嘅燒雞。
紅咖喱食落都唔算好辣，雞肉份量不少，食落夠嫩。配料薯仔、芋頭等都幾入味
不過手抓餅係敗筆，粉感較重，食落唔覺酥脆，煎得唔夠香脆，食多幾件會飽滯。
紅咖喱泰式燒雞 配香脆薯仔芋頭 及手抓餅
$98
12 瀏覽
0 讚好
0 留言
手抓餅
15 瀏覽
0 讚好
0 留言
泰式馬拉盞炒通菜 $55
炒通菜都幾惹味，通菜都嫩口唔老，只係食到底有點鹹，整體合格。
泰式馬拉盞炒通菜
$55
9 瀏覽
0 讚好
0 留言
飲品方面選擇不少，有特飲、香茅茶、果汁、咖啡、泰式飲品、梳打等。
招牌特飲嘅名字都幾有趣，例如：椰林風情（椰汁西米海底椰）、白裡透紅（荔枝冰）、龍游戲水（龍眼冰）等，花過心思。
沙灘少子（荔枝青檸）$36
食泰國菜，個人喜好較清新嘅飲品，荔枝青檸解膩唔甜，啱哂
沙灘少子
$36
11 瀏覽
0 讚好
0 留言
椰皇沙冰（椰子沙冰）$58
價錢稍貴，奶味偏重，椰味加強更好，沙冰唔係好夠凍。
椰皇沙冰
$58
3 瀏覽
0 讚好
0 留言
整體而言，餐廳嘅環境舒適，位置闊落，一大班人食飯都唔會侷促；店員服務亦不俗，主動加水、收碟、介紹食物；只可惜食物質素有待改善。
始終係新餐廳，加上主打泰西融合，都係創意配搭，期望水準更穩定，會再光臨。
餐牌：
張貼
