YAMA

食開櫻田，但見到帝都酒店有間新開日本餐廳YAMA，即便去試一試。睇裝潢，屬於新派日式餐廳，有個開放廚房，亦有吧枱，另外有室外坐位。食物方面，個蟹餅好食，主菜和牛三文治都要食，南瓜糯米糍唔錯，不過甜左少少，朋友話個海膽茶碗蒸蛋好好味。飲得酒嘅朋友就要試吓杯“一期一會”，基本上係綠茶加威士忌，茶香酒甜。另外有杯叫Melonball Mocktail，顧名思義係冇酒精嘅，經理介紹話蜜瓜係日本直送，好味嘅，但略甜。喜歡精緻日式菜嘅朋友可以去試一試。