影片
更多
2021-12-20
712 瀏覽
筲箕灣形薈新開咗一間新派上海菜館，聽店員話餐廳由一個日本設計師設計，每一角都別具特色，無論裝修同菜單設計上都非常有特色！每枱客人都有一壺四寶茶，係茉莉花茶加入雪耳、杞子同埋紅棗等，散發著淡淡清香。香辣炸茄子將茄子切絲再炸到每一條酥脆，每一條茄子表面都有一層香辣焦糖，香口又惹味作為前菜非常之開胃！😍香炸臭豆腐上枱時熱辣辣而且口感香酥鬆脆，加埋秘製甜醬同豆瓣醬，味道更濃郁好味😋！小籠包皮非常薄而且好多汁，係正宗嘅上海小籠包口味！蔥油雞每一舊雞肉都好嫩滑而且啖啖都係酒香，因為雞係用左香糟露去醃所以酒味好香好入味。D蔥油多到可以用嚟撈飯食，最後我地打包左番屋企用嚟撈麵食😊滕椒豆干絲炒苦瓜 - 呢隻豆干絲食落好彈牙口感好似食緊麵條咁，苦瓜炒得好有穫氣而且苦中帶甘，健康又美味。除左苦瓜之外，呢度仲有好多vege嘅菜式，例如炒包心菜、炒空心菜，素三菇等等，適合素食者。炸芝麻團 - 每一粒都炸到脆卜卜，一咬開就係流心嘅黑芝麻，好好味！最後不得不推薦呢度嘅飲品，每一款特飲都獨一無二非常有特色，而且menu上每一款菜式同飲品嘅名字都係經過精心設計嘅！我地點左潮爆公公 （巨峰芝士雲，巨峰茉莉茶）同埋串咀表妹
每枱客人都有一壺四寶茶，係茉莉花茶加入雪耳、杞子同埋紅棗等，散發著淡淡清香。香辣炸茄子將茄子切絲再炸到每一條酥脆，每一條茄子表面都有一層香辣焦糖，香口又惹味作為前菜非常之開胃！😍
香炸臭豆腐上枱時熱辣辣而且口感香酥鬆脆，加埋秘製甜醬同豆瓣醬，味道更濃郁好味😋！
小籠包皮非常薄而且好多汁，係正宗嘅上海小籠包口味！
蔥油雞每一舊雞肉都好嫩滑而且啖啖都係酒香，因為雞係用左香糟露去醃所以酒味好香好入味。D蔥油多到可以用嚟撈飯食，最後我地打包左番屋企用嚟撈麵食😊
滕椒豆干絲炒苦瓜 - 呢隻豆干絲食落好彈牙口感好似食緊麵條咁，苦瓜炒得好有穫氣而且苦中帶甘，健康又美味。除左苦瓜之外，呢度仲有好多vege嘅菜式，例如炒包心菜、炒空心菜，素三菇等等，適合素食者。
炸芝麻團 - 每一粒都炸到脆卜卜，一咬開就係流心嘅黑芝麻，好好味！
最後不得不推薦呢度嘅飲品，每一款特飲都獨一無二非常有特色，而且menu上每一款菜式同飲品嘅名字都係經過精心設計嘅！我地點左潮爆公公 （巨峰芝士雲，巨峰茉莉茶）同埋串咀表妹（柑桔茉莉茶、雜莓、檸蜜爆珠）兩杯飲品都好足料，味道清新，佢地另外有專賣特飲嘅 counter 唔少人客都黎捧場！
張貼
