鳳城1954 (愉景新城)

營業中

休息中

好耐冇同屋企人飲茶，今次決定揀間靚d既試下先。黎到荃灣既愉景新城，本來有2間目標餐廳，除咗呢間，仲有旁邊既愉花園，因為見到上網見到有點心小菜放題，可惜今日冇做。 蟲草花荷葉蒸雞飯 $68份量ok，炒飯賣相唔錯，金黃色澤，但食落一般，既冇炒飯既油香味，亦冇吸收到荷葉香氣，感覺上似係分開整好再放上去上菜咁。蒸雞幾滑，食落嫩口唔錯。 安格斯牛腸 $48腸粉皮晶瑩剔透，隔住都見到入面有滿滿既牛肉。入口咀嚼時牛味好足，冇乜油脂味都幾好，唔會重口味。 龍蝦湯鮮竹卷 $39第一次見到呢個配搭，想像唔到咁夾同好味。鮮竹卷既肉餡實淨，中間剪開咗小小，索哂d湯汁超正。食哂鮮竹卷之後，我地仲用埋d湯汁整龍蝦湯泡飯，成功救活咗蒸飯。 櫻花蝦燒賣 $36櫻花蝦蒸到味都冇哂咁滯，但燒賣舊肉食落幾彈牙，有飽足感。 三式炸作 $36炸蝦餃同春卷都係常規作品，不過不失，係咸少少。中間既啤梨造型其實食落係抹茶版既咸水角，幾有新鮮感，一試無妨。