小胖台灣便當 (偉華中心)

營業中

休息中

.《小胖台灣便當. 新城市內性價比高的台式餐廳》一直好想試下呢間小胖(誤?)開嘅台灣餐廳，經開沙田就去試下！餐內座位寬躺，坐得好舒服不過凍咗少少🙈🍭麻辣鴨血肉燥寛粉($58)比起飯唔算大碗，但鴨血份量都幾多！至少都6塊以上～ 而且好厚🤤 麻辣做得唔錯，真係好惹味！不過唔食得辣嘅我表示試完一啖湯後已經唔敢繼續飲😆 寛粉索晒味😋🍭 士林鹽酥大雞腿便當($62)超大隻雞髀🤤 見到都覺得好鬼正！雞髀炸得好香口酥脆😋 調味做得好好，食到台灣嘅鹽酥味！好好食！雞肉嫩滑～ 另外配飯嘅配菜都好豐富，有甜粟米、煎蛋、炒粉絲、雲耳、蓮藕、蘿蔔粒，蔬菜等都整得唔錯！🍭追加小食：台灣涼拌豬耳(跟餐+$12）🍭追加小食：九層塔雞翼（2隻）(跟餐+$12）份量唔算多但因為佢個主食食完都飽飽地，咁嘅份量做小食真係剛好～ 豬耳微辣，食落爽口，係會食唔停嗰種～ 而雞翼係即炸，所以食落好香同熱辣辣！🍭日本焙茶🍭熱金橘檸檬茶佢嘅凍飲係樽裝，幾好！飲唔晒都可以拎走～ 口味分別有油切綠茶、日本焙茶同芙香蘋果茶～ 熱愛焙茶嘅我當然係揀佢啦！飲落甘香消膩！另一款熱飲就較甜～ 屬暖身之選～食物：7.5/10環境：7.5/10性價比：