小巷咖啡 (已結業)

嚟新商場行下，咁就當然喺到試食埋啦。因為要留位食甜品，所以都係食得輕盈d嘅餐好喇。下午茶時間去到最底層嘅 food court。行曬睇曬都係d好大份或者會好 heavy 嘅嘢，見到呢到有沙律，咁就試下啦。呢間舖頭主要賣漢堡包，三文治，鬆餅，沙律，薯條，乳酪等。飲品就有果汁，茶，咖啡等，咁曬想食 light d 嘅人呀。煙三文魚沙律$58，要杯熱伯爵茶加$10就可以喇。我問職員確認過無牛奶嘅，佢仲問我要唔要加檸檬，我話唔洗喇，佢好 nice 呀~ 之後可以睇住個 mon 等自己號碼出就可以攞嘢食。睇落都好吸引架！蔬菜主要係生菜，仲有紫洋蔥，蕃茄仔，全部都新鮮，可全食。4大塊煙三文魚都好好味。沙律醬有少少辣嘅，所以唔會口淡淡嘅。有少少脆脆嘅煙肉乾碎，好香口~ 仲有d炸麵包粒都脆嘅~ 杯伯爵茶係 Twinings 茶包，所以質素都有保証嘅，仲有熱茶真係熱嘅。