極尚大瀛喜日本料理

營業中

休息中

出面2百幾蚊嘅日式放題有好多選擇，但質數好嘅就唔多， 極尚大瀛喜就係其中一間質數好嘅。 之前都有食過佢出面嘅分店， 咁啱佢係屋企附近開左新店， 就緊係要試下啦。先黎刺身先， 選擇好多， 我就點左平時鐘意食嘅劍魚腩， 油甘魚， 凡立貝，。希靈魚， 虎蝦同甜蝦。 以任食黎講質數真係好得， 首先， 刺身唔會話好硬好似未溶哂雪咁； 第二， 啲刺身係冇筋嘅，劍魚腩同油甘魚黎講，食落去係好滑，食得好順。 最後就緊係味道， 所有款式都有清甜味， 唔會一陣雪味食完刺身之後就食左燒物， 要推介一下個豬仔骨同牛舌。 個豬仔骨我覺得好食過outbxxx個啲, 冇話一層醬係個面到， 而咬落去唔乾身。 個牛舌就切到薄薄一片， 燒到幾爽口而又冇一陣味。 佢個天婦羅炸醬冇加太多調味料，並且本身啲材料都靚，食落去可以食返個材料啲甜味。 鐘意人女蠔嘅朋友可以試堆個天婦羅炸蠔， 炸完出黎唔會話好濕同啲炸醬甩哂出黎， 可以keep到外脆內軟嘅口感。 鐘意食榴槤嘅人緊係要叫埋個炸榴槤啦， 咬開佢啲香味即刻出哂黎， 作為甜品簡直一流。