是日係尖沙咀睇完戲就諗住搵下附近有咩韓國燒烤食..
有聽過朋友推介新羅寶..只係之前一直都未有機會去試!
因為無訂位所以都要等成15-20分鐘..
入到餐廳算坐得幾舒服..上菜既速度都好快..
我地兩個人點左人蔘梨..炒年糕!
先講人蔘梨..我會俾95分..
人蔘絲配雪梨係甘甘甜甜..味道適中可口..
加上酸酸甜甜既柚子汁..好開胃..作為前菜一流!
炒年糕味道都OK..但個人比較鍾意偏辣..略嫌辣度未夠..
同埋如果可以加多D芝士就更加好喇!
至於燒烤方面..少不了豚肉同牛肋骨..味道醃得岩岩好..
而且店員都好熱心幫我地燒!
另外餐廳提供菜既份量唔少..幾岩for菜包肉既食法!
總括黎講..呢間餐廳整體屬中上..價錢都算合理..
推薦俾鍾意食韓國燒烤既朋友!
