居食屋「和民」 (已結業)

行開附近,唔知食咩好,見到有和民,諗住去試下,好耐之前試過,覺得味道都唔錯.一去到,原本安排左兩人臺,後來因為點咗兩個主食要用到瓦斯爐就轉咗去張四人臺.牛肉火鍋味道唔錯,烤肉自己動手,醬汁搭配整體都可以,最差就係個海老天婦羅.所有食物係一齊落嘅單,但個天婦羅係所有嘢都上曬,食完都未上,催咗服務員兩次之後先上,個天婦羅炸得唔到,外面簡直就係一層麵粉,入面就得好細只蝦肉,食落的麵粉嘅口感,都唔系用天婦羅專用炸粉炸嘅,一D都冇天婦羅嘅感覺,原本覺得之前幾樣野都可以,不過不失,最後俾個天婦羅搞到成餐影響大打折扣,下次都唔系幾想食添.