燒肉牛蔵 (已結業)

天氣凍，經過iSquare想搵啲熱嘢食，見到佢呢度有放題嘅牛食，除咗牛仲有好多唔同款嘅肉，同埋唔同款嘅小食，價錢又唔算貴，所以就入咗去食。入到去，我哋坐咗係卡位嗰邊，佢會先上一碟拼盤俾我哋，入邊有豬牛雞，同埋蔬菜。我估係一啲比較靚嘅牛，佢每樣都會有兩三件，然後上面好細心有一個牌話俾你知佢每一舊係啲咩嚟。因為佢呢個細心嘅舉動，之後再返叫嘅時候就可以記住自己之前試過係邊一款鍾意，然後先再叫，唔使浪費嘢食。至於飲品，佢有一個飲品櫃俾你攞，而甜品櫃亦都有雪糕雪條咁。選擇都算多同正常。品質方面，啲牛確實係高水準，牛舌係一讚！有肉味，而且有足夠油脂，用黎煎一流。另外佢個香草醃的雞係好味，連我呢個平時唔好雞肉的人都要大encore 😆唯一美中不足嘅係佢個沙律，比較起上嚟有啲唔係太新鮮。除此之外，每一樣都唔錯。