楚撚記大排檔 (馬頭圍道)

有香港風味嘅大排檔實在買少見少。但都比我係土瓜灣搵到一間撚手小菜同鑊氣小炒都好受歡迎嘅楚撚記，佢嘅室內用餐環境舒適，約埋親友晚飯宵夜直落啤一啤，一樂也！

1

菠蘿拔絲咕嚕肉，呢味餸每枱客人都會叫，受歡迎程度極高，上檯見到份量都好多，加上拔絲賣相極精緻，用梅頭肉做肉質特別香腍軟滑，醬汁味道酸甜極滋味！

1

枝竹火腩豆腐煲，熱辣辣香噴噴上檯，火腩炆得稔香，枝竹、豆腐、冬菇吸盡醬汁和火腩的精華，非常惹味！

鮑汁海皇福建炒飯，份量十足兼且非常足料，炒飯香噴噴，軟硬適中又有鑊氣，配料爽口，獻汁加有鮑汁，啖啖都充滿鮮甜味。

番薯糖水喺店家奉送，糖水甜度剛好，薑味香濃，番薯林甜！