更多
2021-01-03
1866 瀏覽
雖然我無去過摩洛哥及土耳其，但齋睇相都比呢類神秘又繽紛嘅國度吸引！位於上環嘅Nacasa Cafe & Bar，係今年11月新開嘅雙層Cafe～店主去旅行時，愛上摩洛哥及土耳其嘅華麗風格，所以想將當地元素帶嚟Cafe～店內藍牆及花卉，令人聯想起摩洛哥嘅藍色小鎮；民族地氈、彩色玻璃吊燈、圖騰瓷磚等，似是置身土耳其，基本上唔洗飛，嚟呢度止旅遊癮都唔錯！▲不論環境或食物，Nacasa都做得美侖美奐。▲結合咗摩洛哥及土耳其風格，充滿異國情懷。▲土耳其式彩色玻璃燈。▲店內有好多打卡位！✦ Honey Cake 質地有啲似木槺蛋糕，粉粉地但好香濃。我鍾意佢哋蛋糕有好陣好濃嘅蜜糖香，不過對我嚟講有啲甜。✦ Piccolo Latte 小杯版latte，啱晒我呢啲長時間失眠人士，可以貪心飲少少。店家嘅latte偏Nutty啲，豆香濃重，味道不錯。✦ Caramel Caffe Latte朋友係甜怪，所以都揀咗最甜嘅latte！佢表示鍾意呢款啡好順喉，焦糖幾香濃，Expresso量不多，唔慣飲咖啡嘅人應該會好易接受。對比門口嘅藍色花卉梯（雖然都好靚)），我更愛二樓嘅民族布毯corner！坐喺入面，真係
雖然我無去過摩洛哥及土耳其，但齋睇相都比呢類神秘又繽紛嘅國度吸引！位於上環嘅Nacasa Cafe & Bar，係今年11月新開嘅雙層Cafe～店主去旅行時，愛上摩洛哥及土耳其嘅華麗風格，所以想將當地元素帶嚟Cafe～店內藍牆及花卉，令人聯想起摩洛哥嘅藍色小鎮；民族地氈、彩色玻璃吊燈、圖騰瓷磚等，似是置身土耳其，基本上唔洗飛，嚟呢度止旅遊癮都唔錯！
▲不論環境或食物，Nacasa都做得美侖美奐。
▲結合咗摩洛哥及土耳其風格，充滿異國情懷。
▲土耳其式彩色玻璃燈。
▲店內有好多打卡位！
Honey Cake
$42
48 瀏覽
0 讚好
0 留言
質地有啲似木槺蛋糕，粉粉地但好香濃。我鍾意佢哋蛋糕有好陣好濃嘅蜜糖香，不過對我嚟講有啲甜。
Piccolo Latte
$36
31 瀏覽
0 讚好
0 留言
小杯版latte，啱晒我呢啲長時間失眠人士，可以貪心飲少少。店家嘅latte偏Nutty啲，豆香濃重，味道不錯。
Caramel Caffe Latte
$52
26 瀏覽
0 讚好
0 留言
朋友係甜怪，所以都揀咗最甜嘅latte！
佢表示鍾意呢款啡好順喉，焦糖幾香濃，Expresso量不多，唔慣飲咖啡嘅人應該會好易接受。
對比門口嘅藍色花卉梯（雖然都好靚)），我更愛二樓嘅民族布毯corner！坐喺入面，真係勁似去咗土耳其！
▲一樓門口，係摩洛哥風打卡位！
▲二樓最入則有一間房，牆上掛滿地毯，影相好有氣氛。原本我嚟book咗門口位，但因為比較晏嚟，錯有錯著，喺店家收工前，無晒客時，閃咗去二樓地毯房打卡！呢個室內位不受陽光影響，幾時影都ok，大家想門口又影，二樓又影，不妨好似我咁Book最尾一節先走～
張貼
