1
0
0
等級8
2020-09-06 1938 瀏覽
又喺星期六嘅行山日,無辦法啦,封場搞到波無得踢,行山就喺另一大「勞動」嘅興趣。今次唔再晌附近行,趁好天氣,跟朋友走遠啲去到粉嶺沙頭角,行鹿頸一帶,但都揀條輕鬆啲嘅,由鹿頸行到去谷埔附近,再折返,平路多,丁點山路,計埋啲打卡時間來回大概2.5小時,算好輕鬆,沿途都有點靚海景。最後,返到近鹿頸附近,揀咗晌「發記士多」打躉嘆抖兼食晏,貪佢人少啲,又對到海景。先介紹吓環境先,晌呢啲地方食嘢,小弟就覺得環境一環頗重要,因為食物點好都唔會做到龍飛鳳舞咁。晌鋪面就一眼睇晒,雖然喺「士多」咋,但都花咗啲心思,尤其部分露天位,大大張藤椅,配合大傘加上樹蔭,好有渡假感。唔知大家有無留意,佢個場每樣嘢都好新簇,枱櫈呀,膠簾呀,都唔會殘殘舊舊,地方非常整潔,予人觀感好好,而且,餐廳尾裝咗兩部「窗口機」,估計太熱嘅時候,拉起晒啲膠簾,開埋冷氣成個場就爽晒。雖然今日都幾熱吓,但又幾好風,加埋吹風扇都夠涼。再者,依家疫情雖已大大緩和,拉起晒啲簾通通風仲好。上文講過揀呢度都喺因為有啲海景睇吓,所以,我哋就專登揀咗藤椅後面張1號枱,望住個海。點解唔索性坐藤椅?一來吹唔到風扇,二來食嘢真喺唔太方便,齋飲嘢就得。介紹吓有乜
更多
又喺星期六嘅行山日,無辦法啦,封場搞到波無得踢,行山就喺另一大「勞動」嘅興趣。今次唔再晌附近行,趁好天氣,跟朋友走遠啲去到粉嶺沙頭角,行鹿頸一帶,但都揀條輕鬆啲嘅,由鹿頸行到去谷埔附近,再折返,平路多,丁點山路,計埋啲打卡時間來回大概2.5小時,算好輕鬆,沿途都有點靚海景
。最後,返到近鹿頸附近,揀咗晌「發記士多」打躉嘆抖兼食晏,貪佢人少啲,又對到海景
1 瀏覽
0 讚好
0 留言
先介紹吓環境先,晌呢啲地方食嘢,小弟就覺得環境一環頗重要,因為食物點好都唔會做到龍飛鳳舞咁。晌鋪面就一眼睇晒,雖然喺「士多」咋,但都花咗啲心思,尤其部分露天位,大大張藤椅,配合大傘加上樹蔭,好有渡假感
4 瀏覽
0 讚好
0 留言
唔知大家有無留意,佢個場每樣嘢都好新簇,枱櫈呀,膠簾呀,都唔會殘殘舊舊,地方非常整潔,予人觀感好好
,而且,餐廳尾裝咗兩部「窗口機」,估計太熱嘅時候,拉起晒啲膠簾,開埋冷氣成個場就爽晒。雖然今日都幾熱吓,但又幾好風,加埋吹風扇都夠涼。再者,依家疫情雖已大大緩和,拉起晒啲簾通通風仲好
3 瀏覽
0 讚好
0 留言
上文講過揀呢度都喺因為有啲海景睇吓,所以,我哋就專登揀咗藤椅後面張1號枱,望住個海。點解唔索性坐藤椅?一來吹唔到風扇,二來食嘢真喺唔太方便,齋飲嘢就得。
2 瀏覽
0 讚好
0 留言
介紹吓有乜嘢食,晌門口有個牌寫住啲推介,每日限量嘅烤沙頭角吊桶仔,冰菠蘿(唔喺茶記嗰啲菠蘿冰呀)
4 瀏覽
0 讚好
0 留言
其他食物,主要就有三文治、多士、公仔麵、港式小食、茶記熱飲同埋汽水,絕對喺大路嘢。不過,嚟得呢度食嘢,就唔好同市區啲茶記、快餐店比,定價肯定貴一截,當喺支持吓呢類鄉郊小店。
5 瀏覽
0 讚好
0 留言
8 瀏覽
0 讚好
0 留言
5 瀏覽
0 讚好
0 留言
順帶一題,士多裡面仲放咗啲「那些年」我細個時嘅零食,雖然只得幾款,就算唔買,回憶吓都幾過癮
8 瀏覽
0 讚好
0 留言
枱面貼咗張提示,到士多裡面點餐,食完後將餐具送放到去回收區,簡單嚟講就喺無乜招呼。從觀察所見,由落單、煮麵、到送餐嚟都喺一位阿姐一腳踢包辦晒,雖然,都見到兩位老人家幫吓手,估計喺其父母,但都喺坐晌度「座鎮」吓居多。
3 瀏覽
0 讚好
0 留言
此外,一切餐具都喺自助,就放晌鋪前右邊。雖然喺咁,但落單時阿姐會問你坐幾號枱,之後,煮好會送嚟俾你,仲連埋基本餐具。
2 瀏覽
0 讚好
0 留言
綠寶橙汁、麥精 $12

好懷念呢啲舊式雪汽水嘅凍櫃,依家賣少見少,難得老細「還原」士多模樣,整番部擺晌度座鎮。所以,原來想飲忌廉,即時轉汰揀綠寶啦。
4 瀏覽
0 讚好
0 留言
順帶一提,店家嘅飲管用上「小麥吸管」,估唔到就算喺家鄉間士多都咁支持環保,抵讚架
。不過,吸管好幼身吓,啜起嚟感覺無咁有感。
4 瀏覽
0 讚好
0 留言
而綠寶橙汁,老實講,絕對喺懷舊吓大於好唔好飲嘅考量,綠寶算喺死甜嘅橙味糖水嚟。
綠寶橙汁、麥精
$12
4 瀏覽
0 讚好
0 留言
五香肉丁煎蛋出前一丁 $38

老婆今日都破少少戒揀多咗肉,無辦法啦,幾款食材都喺肉,五香肉丁相對無咁加工(比起火腿、餐肉、腸仔),就以五香肉丁配煎蛋(要加熟,但可選太陽蛋)。份量都幾十足,俾夠兩隻蛋,五香肉丁估計都有半罐份量,連啲罐頭內嘅辣油都唔嘥,倒咗唔少落去
,加重「五香肉丁」風味,真喺不得了。其實,整個組合都無得點輸,但加咗咁多辣油,老婆怕太油,結果同我交換咗個麵底嚟食
五香肉丁煎蛋出前一丁
$38
3 瀏覽
0 讚好
0 留言
火腿餐肉出前一丁 $38

為咗試唔同款式嘅食材,小弟就揀咗火腿搭餐肉配出前一丁(可揀福麵或福米),同樣份量無欺場,火腿都應該喺用白豬仔。火腿、餐肉都煎得香口,表面仲有啲焦脆感,啲麵又煮得剛好。搭埋老婆啲煎蛋、肉丁,小弟碗港式「四寶麵」真喺食得我好飽
火腿餐肉出前一丁
$38
5 瀏覽
0 讚好
0 留言
上文提到碗筷自助收拾,幫忙回收,我哋都好乖、好合作,食物殘渣倒去廚餘隔,碗筷就放晌膠盆內。
3 瀏覽
0 讚好
0 留言
有時行山後嘅食評都會分享少少行山風景,由於今次嘅景都幾靚,又唔難行,值得分享一下。
4 瀏覽
1 讚好
0 留言
1 瀏覽
0 讚好
0 留言
1 瀏覽
0 讚好
0 留言
4 瀏覽
0 讚好
0 留言
1 瀏覽
0 讚好
0 留言
1 瀏覽
0 讚好
0 留言
2 瀏覽
0 讚好
0 留言
1 瀏覽
0 讚好
0 留言
3 瀏覽
0 讚好
0 留言
結論,去到鄉郊,如果你想慳錢嘅,一喺就自己帶食物嚟野餐,一喺索性搭番車出市區食個午餐、茶餐。否則,慢活一下,坐晌度吹吹海風,食個餐蛋麵,可以講喺港人嘅浪漫
,兼且,支持吓呢一類鄉郊嘅補給站。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$50 (午餐)