燚

用Openrice預約左同母上大人提早食母親節飯。點了一個海鮮Set，但係因為我忘記記低menu菜名，只能粗略點名。請各位見諒。沙律三文魚、菜同汁配合得很好，清新等來作為前菜很合適。前菜酒同鮑魚本身都夾，不過花果種甜味重左，鮑魚本身味道反而弱左。主菜：豬及牛柳呢個豬非常好味，我與母上大人都認為呢個豬同另一個主菜牛柳都係最出色。唔會柴同鞋口，入口剛剛好有肉汁。覺得食鐵板無食牛好似差少少，所以我就點左牛，同媽媽既豬一齊些牙（可另選雞），小弟唔太食得生野，所以都點左7成。食上來都係軟糯有肉汁，同新鮮Wasabi好夾。主菜：海鮮2種類今次鮑魚同蒜我個人最愛呢個配搭；母上大人就認為扇貝有少少韌，我就覺得咸左少少。主菜：炒飯香、蝦唔錯、量足，但我會更鍾意蛋唔好太熟果種偏濕既口感。湯：豆腐麵豉湯豆腐我個人喜好配麵豉湯，所以覺得唔錯，再熱啲就更正。甜品：十勝紅豆蓉吉士法包驚喜，多謝主廚為我媽咪準備的小驚喜，甜品來講我好鍾意呢個配搭。本身以為會好甜，點知同法包好夾，加上係凍點，所以甜味剛剛好。法包有熱過，所以又有微溫，我個人大推薦。感謝主廚滿的心思和服務。整體係好好體驗既一頓晚餐。