Mamaday

營業中

休息中

第一次係去銅鑼灣分店食，記得果次係食蟹膏扁意粉，同埋牛油果沙冰，感覺真係冇乜特別。但今次去尖沙咀分店，今次嗌嘅食物，全部都真係幾好食。呢三杯嘢飲味道雖然稱不上好特別，但係都唔錯，尤其是杯益力多有子沙冰杯上面嘅字，真係笑咗一笑。呢碟蝦子麵一嚟到嘅時候，我望住白色嘅粉條，諗緊做咩會有河粉。但係原來係切咗條嘅魷魚。好有創意。蝦子麵掛滿晒醬汁，出奇地好味。呢個豬頸肉都好好味，但係我覺得份量少咗啲，側邊嘅配菜就好多。叫埋呢個係鹹蛋黃蟹肉牛油果pizza，第一次食鹹蛋黃Pizza，原來都幾夾。另外我哋仲點左個炸魷魚圈，味道都唔錯。第二次試呢間餐廳，整體上各樣嘢都好好味，比起第一次揀嘅食物有驚喜。