七福神和食亭

營業中

休息中

今次要介紹嘅就係呢一間佐敦嘅七福神和食亭！就咁睇呢間餐廳嘅裝修格局就已經覺得好有霸氣！經過一條詳盡嘅樓梯，上到去之後，就見到滿滿嘅日式佈置！真係有如置身於日本嘅感覺❤️可見呢度嘅老闆亦都落足心機，非常細心咁去令客人有日本嘅感覺！今次最想推介嘅菜式就係呢一個蟹味噌甲羅燒！甲羅燒我自己都有喺好多地方食過，不過呢一份真係可以話係我喺香港食過最好食嘅甲羅燒！首先，呢度嘅蟹肉香味真係好濃郁，而且蟹膏亦都非常豐富！令到成個蟹殼上面亦都充斥着蟹肉嘅鮮甜味道！而且再加上呢個咁creamy嘅口感，再配合呢一個鱈魚干真係好正，呢個魚干好鬆脆嘅口感，而且本身亦都有鹹香味！所以真係好夾，令到呢個甲羅燒既蟹膏提升左去另一個層次！