大街小館 (已結業)

近排疫情所限，少左出外用餐。適逢今日放假，親自落廚煮左幾味。飯後想食d甜品，就去左大街小館外賣左幾款糖水返屋企食。椰汁芋圓西米露- 濃濃的芋頭香，芋圓煙韌韌的口感，非常唔錯。芒果拿破崙配雪糕 - 酥皮富層次，夠脆口，口感鬆化。吉士口感香滑，甜而不膩。兩層吉士都夾雜好多芒果粒，果香充沛。雪糕口味眾多， 揀左荔枝味，夠曬清甜。芒果紫米露 - 紫米露好有咬口，配上香甜的芒果同香噴噴的椰汁，軟糯香甜。椰汁湯圓 - 湯丸皮薄餡多，軟熟煙韌。