我地分別叫左兩個過橋套餐，大大碗配料十足，價錢又唔貴。
本店馳名過橋套餐（大大碗）$65 - 好足料，配料有牛肉、豬肉、豬腩肉、雞肉、豬潤、魚蛋、黑木耳、冬菇、火腿、豆卜、酸菜、炸醬。仲有生菜、芽菜、韭菜、腐皮。
米線煙韌滑溜，有嚼勁，湯底唔油膩。
海鮮過橋套餐（大大碗） $70- 日本帶子、仿鮑片、魚腐、魚皮餃、炸魚片、蟹柳、炸醬、生菜、芽菜、韭菜、腐皮。帶子大大粒，啖啖的炸醬炒得香口，加上彈牙的薯粉，夠晒惹味開胃。
香草雞翼 - 外皮香脆，雞肉肉嫩多汁，唔會乾爭爭。
雞軟骨串- 雞肉及雞軟骨的比例恰到好處，雞軟骨唔會太硬，爽脆有嚼勁。
牛肉串燒 - 味道濃郁，口感嫩滑。
