大滾友火鍋

營業中

休息中

之前去附近食飯時見到呢間餐廳排晒隊，今次過嚟試一試。裝修好有古代feel，侍應安排左4人卡位，寬敞舒適。侍應先拿來調味料給客人自己調配，必試自家製蔥油。選了卜卜蜆湯底，蜆既份量好多，湯底似油鹽水，味道不錯。點了一個牛拼盤，賣相夠派頭，而且非常新鮮，但推介的飛驒牛不是特別出色，其他牛比他好。黃金響鈴剛炸好的，夠香脆，但咸蛋黃味唔夠。各種手打丸質素非常高，夠彈牙。餃類方面就比較麻麻，係韭菜餃較為好少少，可能另外三款推介餃唔岩我口味吧。鵝肥令我有驚喜，非常肥美。店舖有提供啤酒同清酒，叫左兩款啤酒，較喜歡1664。