之前新開張時，已聽舊街坊講小店環境雖小，但食物水準非常唔錯，價錢實惠，每樣嘢食都係order後即時整，唔會好像其他餐廳預早整完一大盤再分。舊街坊都特別推介沙爹牛肉麵，嗰時返去葵芳經過即時去試，可惜忘記影相，沙爹味道果然香濃，與外面茶記吃的好唔同，感覺有南洋沙爹味道。老細人好親切好好傾，好有舊時小店嗰種人情味，之後有次咁啱喺嗰邊做嘢後同個老友，又再去幫襯小店，再試埋佢哋嘅椒鹽豬扒飯，又無令我失望，豬扒醃到好夠味，少少香辣，有大排擋風味。而朋友嗌嘅香煎肉餅飯好像有落到馬蹄，肥瘦適中，外加豉油和特製醬汁，朋友話有媽媽的味道，睇得出有用心去整嘢食，貨真價實，咖啡奶茶都好唔錯。。。下次一定會再來支持本地小店
