阿里郎熱狗棒 (已結業)

剛巧行完波鞋街，準備搭車歸家去途中，經過呢間韓國熱狗棒嘅店，都係今日先知有間咁嘅野。因為響韓國食過，覺得都唔錯，於是就試下香港店又如何。見到有堆學生排隊，人流都唔算太多，但因為舖位有限，所以等佢整熱狗個段時間比較尷尬，企出去又阻街，企響舖頭又好迫，阻住拎熱狗棒嘅人同比 錢嘅客人。今次我選擇「薯條熱狗棒」，店員原來係韓國人，可能因為唔識廣東話，所以唔多出聲，面口都麻麻地，因為我識少少韓文，所以同佢講野佢都有回應。食炸熱狗棒，最好食其實係點砂糖！韓國都係咁食。點左砂糖，無咁油膩感重，而且甜甜地，好好食整體上都唔錯，試下都無妨。