那霸沖繩料理 (已結業)

黎緊9月會去沖繩既石垣島旅行，所以男朋友話出發前要食一餐沖繩菜😂環境都算昏暗不過閒日夜晚去食都唔算好多客人。佢分別有set同單點可以選擇，我地就無叫到set，叫左唔同既野食試下。佢本身無咁細碟😅係我食到一半先記得要影相😂朋友話鹽有啲落得太多有啲咸，我自己覺得ok。雞泡魚乾，食落似豬肉乾味，燒得幾香口，不過食得多就覺得有少少咸。叫左牛油果蕃茄八爪魚沙律。沙律菜唔算好多，佢仲有啲醬汁鋪左係面，所有野一齊食落口個感覺都幾fresh。玉子燒，一碟只有三小舊，我地四個人就有人要share。蛋好綿密亦好香滑，不過男朋友覺得略甜，我就覺得接受到。沖繩苦瓜炒豆腐豬肉，唔知係咪本地貨，食落好有家既味道😂苦瓜唔多似係沖繩食到既味，因為佢呢度煮得比較澀。天婦羅啱啱新鮮炸起，炸得非常好唔會有好多油。佢除左啲大路野仲有天婦羅炸魷魚😯我就無食朋友食左。炸雞好熱，不過普通，唔係特別滑，中間仲夾雜住啲我最怕既肥膏😖呢個係天婦羅炸苦瓜沙律，有芝麻醬同豆腐，我無食炸苦瓜，食左菜同豆腐，普普通通無咩特別。壽司盛我就食左一舊拖羅🤤入口即溶既感覺好滿足🤤最後埋單每人$283。叫左咁多野食都算幾抵食。