梅丘壽司の美登利総本店 (新城市廣場一期)

營業中

休息中

呢間餐廳要我等咗一個鐘多d先有位入席，問我有冇期待我一定有，沙田要食日本嘢最近一定係九巴車廠果邊某餐廳(唔想果邊人多，不作介紹)，但今日去開新城市廣場買嘢，想醫完肚快啲返屋企，所以就地解決。餐牌食物選擇幾多，唯獨清酒選擇較少，我揀咗餐牌唯一一支720ml，價錢中規中矩(清酒最抵一定係尖沙咀元氣一杯)，刺身、壽司新鮮，味道唔差，環境、服務中上，以呢個價錢其實ok，但要等個幾鐘，又好似唔值。我一把年紀無條件等位，但大家有時間，尤其年青人(等位嘅時候全部都係後生仔)，帶朋友仔食飯慶祝，其實唔錯。但如果响沙田趕時間，建議都係去返壽司九州市場。