敘．小麵 (港威商場)

敘·小麵海港城分店嘅環境簡潔而優雅嘅設計風格，店內坐位安排得好寬敞，每張枱之間保持適當距離，私人空間感好夠，唔會聽到隔籬枱嘅嘈雜聲，牆身用咗淺色系嘅木紋裝飾，配合柔和嘅燈光。

牆上掛住嘅藝術畫作帶有濃厚江南水鄉嘅風情，唔單止美化環境，仲喺視覺上給人一種文化氣息。

紅燒獅子頭份量都幾足，肉質細膩帶有一定油脂，但吃落肥而不膩，經過慢火燉煮之後，非常鬆軟入味，幾乎入口即化。醬汁調味適中，帶有淡淡甜味同濃郁嘅醬香，令整份菜食落有層次感。

鎮江水晶肴肉屬於冷盤，好適合作為開胃前菜。肴肉切片晶瑩剔透，每片都切得好薄，齒頰留香。配搭嘅鎮江醋醬汁酸甜平衡，醋味突出唔會太嗆。