糖百府 (已結業)

棉花冰，睇相真係幾吸引... 好奇的小傻好想知佢究竟係乜東東 ~ 所以在旺角等到三時零五分便走入去了。嘩﹗舖頭已經坐滿了人客，好彩仲有張空枱比我坐，Openrice effect 真係不容忽視。叫左個水奶冰底 + 朱古力槳 + 粟米片 + 香蕉 + 小丸子個冰底既口感好得意 (sorry 真係諗唔到第二個字黎形容) ~ 好重牛奶味，好似食雪糕咁，但又冰冰地，入口即溶 ~ 但個朱古力槳就甜得滯 ~ 糖槳味比朱古力味重，個人不太喜歡。配料既粟米片唔多，冇乜突出其他食物味道既作用，可有可無.. 但唔洗加錢就 ok 啦﹗而香蕉係成條上，哈哈，可以當食埋生果。最後個小丸子都唔錯，但嫌佢林左少少。其實個冰都幾溜，建議兩個人食一個。 $29 算係咁，但叫試過就算，唔會太有衝動再去。