上海婆婆 (黃大仙中心北館)

幾年前上海婆婆好多分店，經歷一段時間後，執左好多分店，呢排突然又一間接一間出返黎


以前好鐘意食上海婆婆，感覺無禁熱氣

婆婆炒飯

婆婆炒飯

以前食呢個好好食，但今次咸左少少，食到唔想食⋯

例牌醉雞:)

醉雞都還好，上面既雞唔太入味，無咩酒味，但越食到下面就越咸，不過整體都還可以，唔太突出:)

香煎菜肉包

菜肉包算係最正常，底下有煎到薄脆，個人比較鐘意食兩邊都煎到薄脆既，不過算係全餐最好食既一樣！

感覺整體無以前禁好食，可能個個大廚唔同