餐廳內外
位於旺角同油麻地之間，近「彌敦道」，所以都好易搵，而裝修都係日本餐廳既日式裝修，都算大間。
食物選擇
唔止得壽司刺身，亦有沙律、小食、丼飯，而壽司唔算太貴，最平$8/件就有交易。
鉄・盛 $398 (優惠價--半價$199)
包括8款壽司、4件卷物、海膽杯、溫泉蛋、沙律及味噌湯。呢款「鉄・盛」係以吞拿魚做主角，成盤都係吞拿魚不同部位既刺身。
前面第一行壽司
由燒既吞拿魚開始，分別係蔥花伴火灸藍鰭赤身、柚子胡椒伴火灸藍鰭赤身、藍鰭大拖羅、藍鰭頸拖羅、碎蔥拖羅蓉卷
後面第二行壽司
然後由深紅色既芝麻伴藍鰭赤身、黑松露伴藍鰭中拖羅同藍鰭大拖羅。
味道：由淡味既拖羅食先再到赤身，魚腩中後部分係中拖羅，食落油分適中同埋無筋，而大拖羅係魚腩最前既部位，油分同筋位比起中拖羅都多好多，相對上比中拖羅就更有較口，其實各有捧場客，好難介定邊個好食啲，至於頸拖羅就係頸既位置，因為比較少活動，就係最肥美既位，比起前兩者更加快入口即化。至於赤身，同拖羅又有好大分別，赤身係背部既位置，脂肪比起其他部位較少，食起上黎就爽口啲，魚油冇咁重，反而魚味更出。你要我揀邊一款最好食真係好難答你，因為雖然都係吞拿魚，但佢每個部位既味道、口感都有分別，真係各有FANS，睇下你本身中意食魚油重啲定魚味重啲，但呢一間日本餐廳既刺身確係新鮮而且價錢都可以接受。
海膽杯
都好新鮮，海膽鮮甜，飛魚子一咬油分爆係口中，用海膽用飛魚子撈飯真係一流。
溫泉蛋
溫泉蛋就正常質素，滑口同夠流心。
店員同我地講只要LIKE IG POST同埋Tag人同 Follow就用到優惠價半價食兩款態「盛」壽司SET，$199真係幾抵食，食到咁多部位既拖羅，但原價就要考慮下，不過未知係咪餐廳唔夠大冷氣或者放左啲蚊入黎，我同女友一人比蚊咬一啖，呢點要注意下。
