團日式拉麵 (已結業)

荃灣真係好多好野食，呢間團日式拉麵係荃灣楊屋道街市附近，買完野就可以去食，正！呢間麵屋同日本一樣，要係門口買左飛先，方便而且唔洗舉手舉到天昏地暗都無人理我！一共有4款拉麵，我就叫左呢度最多人食嘅櫻花蝦拉麵，老公就食魚介拉麵，佢仲有得選擇直麵定曲麵，我地就選擇左可以吸收更多湯的曲麵！先講拉麵麵質，我好怕d發漲淋曬拉麵，呢度軟硬適中，剛剛好，曲麵比我想像中爽口！配料方面真係幾大方，有好多櫻花蝦同叉燒，而且有完整一粒流心蛋，配料都飽左半！食市係街市附近好處好多，新鮮材料係最大得益！師傅原來每日都用最新鮮6:00am幾買返來嘅食材去煲湯，煲出一個豬骨湯底，個湯最少都煲10幾個鐘，唔怪得咁甜啦！食完一d味精都無，唔會口喝！湯都飲曬！呢度仲有好多汽水，包括抹茶可樂，柚子汽水，以為日本先飲到，點知呢度都有啊！