博多拉麵別天神 (已結業)

餐廳環境好好，雖然唔大，只係得一排凳同一張長枱隔離就係廚房嘅地方，後邊幅牆可以俾人貼紙寫嘢。入到去首先用部機睇餐牌同埋落單，點左別天神拉麵，同埋小龍蝦沙律，仲有餃子。龍蝦沙律配左幾塊紫菜，用紫菜包住沙律食好好食，龍蝦仔有肉配埋個醬又好食。拉麵佢話冇味精，但非常濃郁，奶白色嘅湯有好濃嘅豬骨味，麵嘅份量又啱啱好硬度有適中。叉燒有兩片都係肥瘦適中又唔會好薄。餃子好配拉麵，同拉麵一齊食會開胃，有啲酸酸地嘅感覺但係係好食嘅。佢設計左將盒紙巾放左係天花板咁，幾得意又幾貼心。佢嗰種枱逼你同朋友坐隔離，同一位朋友一齊去食咁樣傾計就都好舒服。