元札幌拉麵 (悅來坊)

營業中

休息中

新年開工無咩野做, 同同事行左黎呢邊lunch,坐得舒服D就入左呢間拉麵店.午餐有飯有麵, 黎得當然食拉麵, 揀左雜錦拉麵.雜錦既餸每款有一舊, 义燒, 豬軟骨, 蟹柳之類, 肉都炆得夠腍, 而且入味, 唔乾無起渣.至於拉麵, 軟硬度屬適中, 咬口幾爽且彈牙, 唔會太易浸腍.而個湯底唔會太咸, 食完無口乾.之後仲加左煎餃子, 一客4隻, 2人share剛好.煎得幾香口, 脆脆地金黃色, 唔算太油.餃子皮夠薄, 咬落軟腍啖啖肉餡.另服務十足, 無叫飲品但店員勤於加茶水, 感覺良好.