拉麵來 (已結業)

之前睇電視介紹過依間拉麵店，見到入面既裝潢已經好有老日本既特色同埋介紹既拉麵亦都好吸引。今日終於決定去依度食晚餐，去到門口等左一陣可以入去。入到去好似去左日本食拉麵，裝潢真係好有特色呀。依度既拉麵有分金、木、水、火、土，亦有點餐紙供選擇，例如：拉麵既軟硬度、湯既濃度、蔥（要or唔要）、蒜蓉（要or 唔要）等⋯，可以因應個人口味而選擇。熊本黑蒜油豚肉拉麵：豚骨湯底味濃厚，湯底飲得出淆左好耐，而再配埋黑蒜油黎飲，湯底好香同埋味道好有層次。拉麵入面仲有青蔥、木耳、紫菜、炸蒜蓉、兩片叉燒。拉麵煮得彈牙，木耳好爽口，蒜蓉味好香，另叉燒煮到好淋身，一撕就咬得開。好味！另再追加溏心蛋同埋粟米：溏心蛋外面咸咸地，同入面溏心蛋王一齊食，味道適中。而粟米都算大碗，放埋落個湯到食，正！濃湯魚介豚骨拉麵：配料同上面一樣，只係湯底唔同，湯底除左有䐁骨味之外，仲有少少魚香，味道好有層次，係慢慢滲出黎，好有甘甜味。日式餃子：煎到個底好香脆，餃子肉醃到好入味，餃子皮薄餡靚，另配上柚子醋，好味！蘋果梳打：蘋果味好香，梳打好有氣，甜甜地，一邊食餃子一邊飲梳打，正！