牛涮鍋

牛涮鍋午市放題由細食到大，百幾蚊任食90分鐘真係好抵食！當brunch咁食，好似會少d晚餐食好肥既罪惡感呀～

主角肉類品質不錯，但可惜肥牛去到愈後期，就愈肥了。狂涮食左4輪左右，成個湯都係油。

湯底好味！蕃茄湯仲有得要辣，一邊就壽喜燒，超正！

配料選擇不過不失。但公仔面用韓國面，呢樣有驚喜。韓國面粗身彈牙，唔易煮過龍！吸埋蕃茄微辣湯，比烏冬更好食！

甜品方面，非常一般。雪糕呢，就失色左。無左乳酪雪糕即刻唔好味，而家用麥當勞新地既，牛奶味香蕉味，可以自定配料，都係個特色黎既～可惜連牛奶味都係麻麻地。