真係抵到爛 仲要唔使加一
一個價錢已經包晒所有嘢 連啤酒都係任飲
啱晒一大班人吹水啤一啤
唔飲啤酒仲有汽水 檸檬茶 朱古力個d飲😍
首先個雞煲醬汁濃郁 啲雞件又滑又入味
仲可以不停refill
食完個雞煲就可以加湯打邊爐
有忌廉雞湯同沙嗲湯底
火鍋配料選擇都幾多
肥牛、豚肉、各式丸類、海鮮、蔬菜等等
大量配料任拎任叫 食得勁爽😎
特別要讚嘅係佢啲小食
炸饅頭炸到金黃香脆 點埋啲煉奶嚟食 好滿足
仲有細個好鍾意食嘅炸蝦片 香口脆卜卜
一路打邊爐一路食 正👍🏻
人均唔洗$160就有雞煲、火鍋、啤酒、小食全部任攞任食 仲要免加一，性價比超高‼️
