星宴中餐廳 (已結業)

W中菜廳嘅free flow點心下午茶只係$248+10%，又真係幾抵。位置闊落，坐得好舒服。食物方面有22款選擇，都唔少。個湯清清地唔錯，好似屋企煲嗰d👍🏽👍🏽👍🏽灌湯餃係最好食，個湯好正，一定要叫，我食左3個😀其他點心大部份都係3件3件咁上，如果兩個人食就比較難叫。叉燒酥同腸粉都幾好食。小寵包就普通了，皮厚左d，湯唔夠鮮味。叉燒包好大個，叫之前請三思😆整體都唔錯嘅，3:30pm開始可以食到5:30pm，呢個價錢當去酒店飲餐茶都抵。