漁初·魚丼 (已改名) 查看

長沙灣又有新餐廳開啦～今次呢間餐廳係日式小店，除咗魚生飯之外，仲可以揀串燒，價錢都好合理。海鮮丼飯 $78我揀咗雜錦系列（吞拿魚腩蓉、角切魚生、玉子燒），酢飯可以無限添加，所以大胃王都唔怕食唔飽，放心盡情添飯啦～原本想轉沙律菜但因為吞拿魚腩蓉要配飯，所以店員送咗份沙律比我，好細心！油甘魚刺身$42油甘魚厚切鮮甜吉列軟殼蟹反卷$88軟殼蟹香脆，配上沙律醬同蟹子，正😋燒牛舌心 $58牛舌心厚切多汁，口感軟腍嫩滑美國安格斯牛小排 $58雖然我哋嗌咗牛小排，但食落口感似牛柳豚肉露荀卷 $28原本想食豚肉荔枝卷，但當日賣晒就轉試露荀卷，豚肉配露荀都幾特別。燒雞軟骨（2串）$24推薦必食！雞軟骨好食！忍唔住encore食多次🤣🤣自家製免治雞肉丸 $48雞肉丸係自家製，口感似豬肉丸，另外再加軟骨同埋配上蛋黃汁，令到個雞肉丸更香滑，口感豐富。燒菠蘿 $18好甜又多汁波子汽水 $22飲品方面可以選擇唔多，唔想飲啤酒只好揀波子汽水。雖然係小店，餐廳嘅面積唔大，但都感受到誠意滿滿，晚市座無虛席。