鎔記潮州飯店

營業中

休息中

母親節，帶阿媽食好西～聽好友講，呢間潮州菜館抵食又高質～我地今次叫左４個小菜，包括：鹵水鵝、豉椒炒蜆、煲仔通菜、潮州蠔餅。潮洲打冷，一定要點鹵水鵝～望落賣相好好，切得薄厚適中，而且份量都幾多～食落鵝肉好入味，肉質嫩滑，鵝脾肉食落好最嫩滑，而碟底有配菜豆腐，吸收哂滷水汁，味道好出色！豉椒炒蜆，夠鑊氣，而且粒粒都肥美又鮮甜，醬汁超惹味，配飯配粥都唔錯～通菜用左蝦醬、蝦乾、辣椒絲一齊炒，熱辣辣地呈上，食落健康又好味！潮州蠔餅了，呢個食潮洲菜都係必點的，炸得勁靚，蠔肉鮮甜飽滿，而且好脆好香口！！OVERALL 真係好抵食, 坐得又舒服, 唔錯~