林氏廚房 (已結業)

去親荔枝角都會去吓D2 place行吓，原來附近工廈入面有間隱世樓上餐廳，餐廳面積幾大，幾乎都係大枱，好啱一班人聚會有講有笑，咁啱星期三去仲有live band駐唱，全場爆滿，氣氛超好！店員都好熱情，會肯同你傾吓偈，識到收尾嘅時候，仲拎住碟西瓜周圍問人要唔要食一個🤣，好溫馨好有家嘅嗰種感覺！今次叫咗個二人套餐，人均$250都唔使有晒前菜、餐湯、主菜、飲品、甜品，而且每樣份量都唔少，可以share住嚟食！------------------------------◖二人套餐◗ $488🥣/是日餐湯◗餐湯係蘑菇忌廉湯，味道正常，配咗兩片包，烘得好脆～🦀/蟹肉煙三文魚沙律配油醋汁蟹肉幾有鮮味，有兩塊煙三文魚，油醋汁味就啱啱好唔會太酸～🍱 /炸物拼盤有魷魚鬚，茶樹菇，蔗蝦，茶樹菇炸完保持到裏面嘅汁水，魷魚鬚都幾彈牙，份量都唔少！🐖/德國咸豬手咸豬手超大隻！上碟前已經幫你切開晒一塊塊，外皮焗得好脆，味道醃得啱啱好唔會過鹹，食落好有膠質好多筋膜位置，配有蜂蜜芥末醬～🥩/鵝肝拼紐西蘭牛柳鵝肝唔會好厚，食落好香，油脂好豐富～有兩塊好厚嘅牛柳，牛柳肉味幾濃，位置上相對瘦，所以叫咗五成熟，肉質會嫩好多！