任你點車仔麵 (已結業)

又去咗令一間高質嘅車仔麵鋪！我叫咗薯粉麻辣湯底，配料係蘿蔔丶糖心蛋同貢丸既外賣，但係竟然唔記得比餐具！哩方面有啲大意。但係我哋Focus返食物嘅品質，其實都係唔錯嘅！薯粉食落去好煙韌，食嗰陣甚至要咬幾下先完全斷開，真係好好食可惜份量太少！麻辣湯底都係另一個必揀嘅！首先聞起上嚟就已經好引人入勝，食落去又未算太辣，啱啲想食辣但係又怕頂唔順太辣嘅人！ 之後蘿蔔可能浸得耐，變到軟林林食落去又真係幾好食同入味，可惜糖心蛋都係太熟，而且貢丸得兩粒，有啲唔抵！不過大家都可以揀其他餸嘅！總體來講都係幾OK！