更多
2018-05-21
163 瀏覽
逢星期五放工都會同男朋友食飯，今次揀咗一間係太子食西餐嘅小店。唔好睇佢係小店面積細細咁，其實好多人都識呢間餐廳，就算訂枱都係得返9點有位咋！9點嚟到等咗一陣就入得，餐廳只有約20個位，但係坐滿人，我哋睇完menu決定都係散叫2個小食、2個主菜、1個甜品同飲品。首先係飲品，玫瑰荔枝紅桑子梳打，賣相幾靚，漸變色，攪勻後試試有啲太甜，隱約都有啲玫瑰味，幾特別！都幾好飲！等啲冰溶咗會更好！然後係小食，醬燒七味特級牛脷同海膽車打芝士焗大啡菇。醬燒七味特級牛脷有2串，面頭灑上七味粉，個人覺得偏辣，但係牛脷口感好，唔會鞋口，不過燒嘅時候如果加啲鹽就更加好。海膽車打芝士焗大啡菇，望落好吸引，不過味道嚟講就無咩特別，海膽味有啲凸出！主食方面，北海道軟殼蟹配黑松露意大利粉，軟殼蟹炸得鬆化，而且夠大隻又熱辣辣，好食！另外意粉黑松露味道好香，不過有啲鹹，但係整體味道好好食，兩者好夾。再嚟安格斯有骨肉眼扒，3成熟，好大份，食落肉質好淋，有肉味，我自己就好鍾意，不過男朋友就覺得麻麻地。塊扒好香，加上旁邊嘅蒜蓉汁更加香，仲有沙律菜同薯仔，一齊食呢個夠晒飽！抵食！最後係香蕉拖肥批，見到好多人食，夠晒凍，入面有crea
9點嚟到等咗一陣就入得，餐廳只有約20個位，但係坐滿人，我哋睇完menu決定都係散叫2個小食、2個主菜、1個甜品同飲品。
首先係飲品，玫瑰荔枝紅桑子梳打，賣相幾靚，漸變色，攪勻後試試有啲太甜，隱約都有啲玫瑰味，幾特別！都幾好飲！等啲冰溶咗會更好！
然後係小食，醬燒七味特級牛脷同海膽車打芝士焗大啡菇。醬燒七味特級牛脷有2串，面頭灑上七味粉，個人覺得偏辣，但係牛脷口感好，唔會鞋口，不過燒嘅時候如果加啲鹽就更加好。海膽車打芝士焗大啡菇，望落好吸引，不過味道嚟講就無咩特別，海膽味有啲凸出！
主食方面，北海道軟殼蟹配黑松露意大利粉，軟殼蟹炸得鬆化，而且夠大隻又熱辣辣，好食！另外意粉黑松露味道好香，不過有啲鹹，但係整體味道好好食，兩者好夾。
再嚟安格斯有骨肉眼扒，3成熟，好大份，食落肉質好淋，有肉味，我自己就好鍾意，不過男朋友就覺得麻麻地。塊扒好香，加上旁邊嘅蒜蓉汁更加香，仲有沙律菜同薯仔，一齊食呢個夠晒飽！抵食！
最後係香蕉拖肥批，見到好多人食，夠晒凍，入面有cream同拖肥，一齊食落好好食但係好邪惡！不過久唔久食一次都唔算太過份！
張貼
